ശാശ്വത സത്യങ്ങൾ

1. ആരെയും വിശ്വാസമില്ലാത്ത ഒരാളെ ആരും വിശ്വസിക്കരുത്

എന്തുകൊണ്ടെന്നാൽ വിശ്വാസം എന്ന ഗുണം ഉപയോഗിക്കാൻ അയാൾക്ക്‌ അറിവില്ലാത്തതിനാൽ അവർ ആരെയും വിശ്വസിക്കില്ല. പക്ഷെ ക്രമേണ അവർ സ്വയം വിശ്വസിക്കാൻ കൊള്ളാത്ത ഒരു വ്യക്തിയായി പരിണമിക്കാനുള്ള സാധ്യത വളരെ കൂടുതലാണ്.

2. നമുക്കുള്ള അതേ കുറവുകളുള്ള ആളുകളെ നമുക്ക് സഹിക്കാൻ കഴിയില്ല.

മറ്റുള്ളവരിൽ നമ്മെ അസ്വസ്ഥരാക്കുന്ന സ്വഭാവവിശേഷങ്ങൾ നമ്മുടെ സ്വന്തം പ്രതിഫലനമാണെന്ന് കണക്കാക്കാം. എപ്പോഴും അത് അങ്ങനെത്തന്നെയാവണമെന്നില്ല. ഇതിനെ പ്രൊജക്ഷൻ എന്ന് വിളിക്കുന്നു. നിസ്സംഗതയോടെയും വസ്തുനിഷ്ഠമായും നമ്മെത്തന്നെ നോക്കേണ്ട സമയമാണിത്: അല്ലെങ്കിൽ പിന്നെ മറ്റൊരാളിലെ ആ പോരായ്മ എന്നെ എന്തിനാണ് പ്രകോപിപ്പിക്കുന്നത്?

3. മറ്റുള്ളവരെ ആകർഷിക്കാൻ ശ്രമിക്കുന്തോറും നമുക്ക് അവരിൽ മതിപ്പ് കുറയും.

നിങ്ങൾക്ക് ഒരാളെ ആകർഷിക്കാൻ വേണ്ടി പലതും ചെയ്തുകൂട്ടുന്ന സ്വഭാവമുണ്ടെങ്കിൽ തീർച്ചയായും നിങ്ങൾ അവരെ ആകർഷിക്കാൻ സാധ്യതയുണ്ട്. പക്ഷെ അങ്ങനെ ആകർഷിക്കാൻ ശ്രമിച്ചാൽ അവർക്കു നിങ്ങളോടു മതിപ്പുണ്ടാക്കുന്ന കാര്യത്തിൽ നിങ്ങൾ പരാജയപ്പെടും. മതിപ്പും , ശ്രദ്ധ പിടിച്ചു പറ്റാനുള്ള ശ്രമവും അടുത്ത ബന്ധങ്ങളിൽ പരസ്പര വിരുദ്ധമായി പ്രവർത്തിച്ചേക്കാം.

4. ഒരു കാര്യം നിങ്ങളെ ഭയപ്പെടുത്തുന്നതനുസരിച്ച്, അത് ചെയ്യേണ്ടത് നിങ്ങളുടെ ജീവിതത്തിൽ കൂടുതൽ ആവശ്യമാണ് എന്ന് അർത്ഥമാക്കുന്നു.

നിങ്ങളുടെ ഭയങ്ങൾ പട്ടികപ്പെടുത്തുക . ആകർഷകമായ ഒരു വ്യക്തിയോട് സംസാരിക്കുമ്പോഴോ, പരസ്യമായി സംസാരിക്കുമ്പോഴോ, പുതിയ ജോലി കണ്ടെത്തുമ്പോഴോ, പുതിയൊരു ബിസിനസ്സ് ആരംഭിക്കുമ്പോഴോ ഉള്ള ഭയമായിരിക്കാം അത്. ഇതെല്ലാം കൃത്യമായി നിങ്ങൾ ചെയ്യേണ്ടതിനാൽ തന്നെ അവ ഭയപ്പെടുത്തുന്നതാണ്. നിങ്ങൾ ചെയ്യണമെന്ന് നിർബന്ധമില്ലാത്ത കാര്യങ്ങളിൽ നിങ്ങൾ അധികം ഭയക്കില്ല. ഓപ്ഷൻ ഇല്ലാത്ത അവസ്ഥ കൂടുതൽ ഭയമുളവാക്കും.

5. മരണത്തെ നാം എത്രത്തോളം ഭയപ്പെടുന്നുവോ അത്രത്തോളം നമ്മുടെ ജീവിതം ആസ്വദിക്കുന്നത് കുറയുന്നു.

മനഃശാസ്ത്രപരമായി, ഏതൊരു ഭയവും ആസ്വദിക്കാനും സന്തോഷിക്കാനുമുള്ള ആഗ്രഹത്തെ തളർത്തുന്നു. മരണഭയം ഏറ്റവും ശക്തമായ ഒന്നാണ്. എന്നാൽ ഏറ്റവും വലിയ വിരോധാഭാസമെന്തെന്നാൽ ജനിച്ച ഒരു മനുഷ്യന് ഈ ലോകം ഉറപ്പായി നൽകുന്ന ഒരേയൊരു അനുഭവം മരണം മാത്രമാണ് എന്നതാണ്.

6. നമ്മൾ കൂടുതൽ അറിയുന്തോറും, നമുക്ക് ഒന്നും അറിയില്ലെന്ന് കൂടുതൽ മനസ്സിലാക്കുന്നു.

നമ്മൾ കാര്യങ്ങൾ കൂടുതൽ ആഴത്തിൽ മനസ്സിലാക്കുമ്പോഴെല്ലാം, അത് ഡസൻ കണക്കിന് പുതിയ ചോദ്യങ്ങൾ സൃഷ്ടിക്കുന്നു. അതിനാൽ തന്നെ പഠനം ഒരിക്കലും അവസാനിക്കുന്നില്ല. പേടിക്കും തോറും അറിവില്ലായ്മയെക്കുറിച്ചുള്ള അറിവ് കൂടുമെന്നു മാത്രം.

7. കൂടുതൽ ബന്ധങ്ങളും പരിചയങ്ങളും ഉണ്ടാകുന്തോറും ഏകാന്തതയുടെ വികാരം വർദ്ധിക്കും.

നമുക്കെല്ലാവർക്കും ഒരു ദിവസത്തിൽ 24 മണിക്കൂർ മാത്രമേയുള്ളൂ, ധാരാളം പരിചയക്കാരും സുഹൃത്തുക്കളും ഉണ്ടാകുമ്പോൾ എല്ലാ ബന്ധങ്ങളും ഉപരിപ്ലവമായിത്തീരുന്നു. എല്ലാവർക്കും വേണ്ടി നീക്കിവയ്ക്കാൻ വേണ്ടത്ര സമയമില്ല. അവനവനു വേണ്ടിയും സമയമുണ്ടാവില്ല. അതിനാൽ ഏകാന്തതയോടു കൂടുതൽ ഇഷ്ടം ഉണ്ടാവാൻ സാധ്യതയുണ്ട്. ഏകാന്തമായവർക്ക് ആളുകൾ വേണമെന്നും, ആളുകൾക്കിടയിൽ കുടുങ്ങിപ്പോയവർക്കു ഏകാന്തത വേണമെന്നും തോന്നുന്നതു സ്വാഭാവികമാണ്.

8. മറ്റുള്ളവരെക്കുറിച്ച് നമുക്ക് എത്രത്തോളം ശ്രദ്ധയുണ്ടോ അത്രത്തോളം നമ്മളെക്കുറിച്ച് നമുക്ക് ശ്രദ്ധ കുറയും.

ഇത് അല്പം പരസ്പരവിരുദ്ധമായി തോന്നാം, പക്ഷേ നമ്മൾ മറ്റുള്ളവരോട് മോശമായി പെരുമാറിയാൽ, നമ്മൾ സ്വയം ശ്രദ്ധിക്കുന്നില്ലെന്ന് പ്രാക്ടീസ് കാണിക്കുന്നു. അതുപോലെ അമിതമായി മറ്റൊരാളെ കെയർ ചെയ്യുന്നതിലൂടെ അവർക്കു നിങ്ങൾ നൽകുന്ന കംഫർട് സോണിൽ അവർ ബന്ധിതരാവുകയും, അവർ നിങ്ങളുടെ ഒരു ശിശുവിനെപോലെ അപക്വരാവുകയും തിരിച്ചു കെയർ ചെയ്യേണ്ടതില്ല എന്ന് തോന്നാൻ തുടങ്ങുകയും ചെയ്തേക്കാം.

9. എന്തെങ്കിലും കൂടുതൽ എളുപ്പത്തിൽ ലഭ്യമാകുന്തോറും അതിന്റെ മൂല്യം കുറയും.

ഇക്കാര്യത്തിൽ മനുഷ്യ സ്വഭാവം മാറ്റമില്ലാത്തതാണ്: എന്തെങ്കിലും കുറവാണെങ്കിൽ, അത് കൂടുതൽ വിലപ്പെട്ടതായി തോന്നുന്നു. അതനുസരിച്ച്, ഈസിയായി ലഭ്യമായതിന് വിലയില്ലാത്ത പോലെ തോന്നുകയും ചെയ്യും.

10. നമ്മൾ നമ്മളെ എത്രത്തോളം നിർബന്ധിക്കുന്നുവോ അത്രത്തോളം ലക്ഷ്യത്തിലെത്താൻ പ്രയാസമാകും.

അതുകൊണ്ട് നിർബന്ധിച്ചു അവനവനെ മുന്നേറ്റാനുള്ള ശ്രമങ്ങൾ നടത്തരുത്. അവബോധത്തോടെ വേണം എല്ലാ പുരോഗമന ശീലങ്ങളും തുടങ്ങാൻ.

11. നിങ്ങളുടെ ജോഡിയെ കണ്ടെത്താനുള്ള ഏറ്റവും നല്ല മാർഗം അത് അന്വേഷിക്കാതിരിക്കുക എന്നതാണ്.

നമ്മൾ ശക്തരും സ്വതന്ത്രരുമായ ആളുകളെ സ്നേഹിക്കുന്നു, അതുകൊണ്ടാണ് നമ്മൾ അവരിലേക്ക് ആകർഷിക്കപ്പെടുന്നത്. സ്വയംപര്യാപ്തനായ ഒരു വ്യക്തി ആത്മവിശ്വാസമുള്ളവനും പൂർണ്ണനുമാണ്. നിങ്ങളുടെ ജീവിതത്തിൽ സ്നേഹത്തിനായി തീവ്രമായി തേടി നോക്കരുത്, സ്വയം വികസിപ്പിക്കുക, ലളിതമായ സൗഹൃദം ആസ്വദിക്കുക. നിങ്ങളെ മറ്റൊരാൾ കണ്ടെത്തും. അവരാണ് നിങ്ങളുടെ യഥാർത്ഥ ജോഡി.

12. എത്ര ഒരു വ്യക്തിയോട് നമ്മൾ കൂടുതൽ അടുക്കാൻ ആഗ്രഹിക്കുന്നുവോ അത്രയധികം നമ്മൾ അവരെ അകറ്റുന്നു.

കാരണമെന്തെന്നാൽ ഇവിടെ സ്വാഭാവികമായ അടുക്കലല്ല സംഭവിക്കുന്നത്, അടുക്കാൻ ശ്രമിക്കുകയാണ് ചെയ്യുന്നത്. അതവർക്ക് നിങ്ങളെ അവരിൽ നിന്നും, അകറ്റാനുള്ള പ്രവണതയിലേക്കു നയിച്ചേക്കാം.

13. നമ്മുടെ സ്വന്തം തെറ്റുകൾ സമ്മതിക്കുന്നതിലെ ആത്മാർത്ഥത, നമ്മൾ പൂർണരാണെന്ന് മറ്റുള്ളവർക്ക് തോന്നാൻ കാരണമാകുന്നു.

നമ്മുടെ തെറ്റുകൾ ചൂണ്ടിക്കാണിക്കുന്നത് നമ്മളെ കൂടുതൽ മെച്ചപ്പെട്ടവരാക്കുമെന്ന ബോധത്തോടെ തെറ്റുകളെ അംഗീകരിക്കുക. അപ്പോൾ നമ്മൾ ശക്തരും മഹത്തരവുമായി പ്രത്യക്ഷപ്പെടാൻ തുടങ്ങും. അത്തരം പച്ചയായ മനുഷ്യരെ മറ്റുള്ളവർക്കും ഇഷ്ടമാകും.

14. നമുക്ക് കൂടുതൽ തിരഞ്ഞെടുപ്പുകൾ ഉള്ളപ്പോൾ, ഓരോന്നിലും നമുക്ക് സംതൃപ്തി കുറയുന്നു.

നമ്മൾ ഒരു തിരഞ്ഞെടുപ്പ് നടത്തുമ്പോൾ, മറ്റൊരു ഓപ്ഷൻ സ്വയമേവ ഉപേക്ഷിക്കുന്നു. കൂടുതൽ തിരഞ്ഞെടുപ്പുകൾ ഉണ്ടാകുമ്പോൾ, നേടിയതിനേക്കാൾ കൂടുതൽ നഷ്ടപ്പെട്ടു എന്ന തോന്നൽ ശക്തമാകും.

15. നമ്മൾ കൂടുതൽ വാദിക്കുന്തോറും, കേൾക്കുന്നയാൾക്ക് ബോധ്യപ്പെടുത്താനുള്ള സാധ്യത കുറവാണ്.

എല്ലാവർക്കും അഹങ്കാരം പോലുള്ള വേദനാജനകമായ ഒരു കാര്യമുണ്ട്. അത് നുള്ളിയെടുക്കുമ്പോൾ, ഏറ്റവും ന്യായമായ പരിഗണനകൾ പോലും നമ്മൾ നിഷേധിക്കുന്നു. വാദിക്കാതിരിക്കുകയും മറ്റേയാൾക്ക് വ്യക്തമാക്കും വിധം ഒരുതവണ മാത്രം സ്വന്തം നിലപാട് മനസ്സിലാക്കാൻ അനുവദിക്കുകയും ചെയ്യുക എന്നതാണ് ബോധ്യപ്പെടുത്താനുള്ള ഏറ്റവും നല്ല മാർഗം.