ദൈവം നിലനിൽക്കുന്നുണ്ടോ ? (പിസിയുടെ ആത്മീയ ക്ലാസിൽ നിന്ന് )

അസ്തിത്വവും: സ്പേസ് - ടൈം ലോജിക്കും

"ദൈവം നിലനിൽക്കുന്നുണ്ടോ?" എന്ന ചോദ്യം മനുഷ്യന്റെ ചിന്തയുടെ അതിരുകളെ അളക്കുന്ന ചോദ്യം മാത്രമല്ല, അതു മനുഷ്യൻ സ്വയം കണ്ടെത്തലിനു ഉപയോഗിക്കുന്ന തന്ത്രജ്ഞാത്മകമായ ഒരു ദാർശനിക പരീക്ഷണവുമാണ്.

പക്ഷേ, ഈ ചോദ്യം പലപ്പോഴും ഒരു തെറ്റായ ഘടനയിലായിരിക്കും ഉന്നയിക്കപ്പെടുന്നത്.

എന്തുകൊണ്ടെന്നാൽ 'നിലനിൽക്കൽ' എന്ന പദം തന്നെ സ്പേയ്‌സിനും ടൈംമിനും ഉള്ളിലായിരിക്കുന്ന ഏതെങ്കിലും ഒന്നിനെ സൂചിപ്പിക്കുന്ന പദമാണ്. ദൈവം അതിനപ്പുറത്തായിരിക്കുമെങ്കിൽ, എങ്ങനെയാണ് നമ്മൾ "അത് നിലനിൽക്കുന്നുവോ ഇല്ലയോ" എന്ന് പറയുക ?

"എന്തെങ്കിലും നിലനിൽക്കുന്നു" എന്നു പറയുമ്പോൾ അതിന്‍റെ അർത്ഥം:

അതിന്റെ സ്ഥാനം ഉണ്ടാകും (space),

അതിന്റെ കാലാവധി ഉണ്ടാകും (time),

അതിന് ഇടപെടലിനുള്ള സാധ്യത ഉണ്ടാകും (interaction/causality).

ഉദാഹരണത്തിന്, ഒരു പാതിരാത്രി മുറിയിൽ വിശ്രമിച്ചുകൊണ്ടിരിക്കുന്ന വൃദ്ധൻ "നിലനിൽക്കുന്നു" എന്നത്, അതിന്റെ സ്ഥിതിയും കാലാവധിയും ഉറപ്പാണെന്ന് ഉദ്ദേശിക്കുന്നു. പക്ഷേ, ദൈവം എന്നത് സ്‌പേസ്-ടൈം താണ്ടിയുള്ള ഒന്നായിരിക്കുകയാണെങ്കിൽ, അതിന് ഈ മൂന്നു അളവുകളും ബാധകമല്ല.

അതായത്, ദൈവം നിലനിൽക്കുന്നത് പോലും അല്ല, കാരണം "നിലനിൽക്കൽ" എന്ന വാക്ക് തന്നെ സാങ്കേതികമായി സ്പേസ് ടൈം ൻ്റെ പരിധിക്കുള്ളിൽ ഉള്ള കാര്യങ്ങളെ സൂചിപ്പിക്കാൻ കണ്ടെത്തിയതാണ്.

അസാധുവായ ചോദ്യങ്ങളുടെ സ്വഭാവം

"ദൈവം നിലനിൽക്കുന്നുണ്ടോ " എന്നചോദ്യം

"നിന്റെ സ്വപ്‌നത്തിലെ കുതിരക്ക് എത്ര കിലോഗ്രാം തൂക്കം ഉണ്ടാകാം?" എന്ന ചോദ്യത്തിന് തുല്യമാണ്.

മറുപടി പറഞ്ഞു തർക്കിക്കേണ്ട ആവശ്യമേയില്ല, കാരണം ചോദ്യത്തിന് തന്നെ യുക്തിയില്ല.

ദൈവം സ്റ്റേറ്റ് ഓഫ് എക്സിസ്റ്റൻസാണോ?

അല്ലെങ്കിൽ "അസ്തിത്വം" എന്ന സ്വഭാവം തന്നെയാണോ ദൈവം?

ഇങ്ങനെ നോക്കിയാൽ, ദൈവം നിലനിൽക്കുന്നുണ്ട് എന്നതല്ല – ദൈവം എന്നത് അസ്തിത്വ സാധ്യതയുടെ സ്വഭാവം തന്നെ ആകുന്നു.